Özbəkistanda beynəlxalq biznes forum işə başlayıb
Özbəkistanın Daşkənd vilayətində "Great Silk Road Business Cooperation Forum – 2025" beynəlxalq biznes forumu işə başlayıb.
Tədbir Mərkəzi Asiya və Azərbaycan iş adamlarını vahid biznes platformasında bir araya gətirib. Ölkəmizi tədbirdə 30-dan çox şirkət təmsil edir.
Çıxış edənlər vurğulayıblar ki, forumun məqsədi regional iqtisadi inteqrasiyanı yeni səviyyəyə çıxarmaq, ticarət əlaqələrini genişləndirmək və işgüzar dairələrin nümayəndələri arasında birbaşa dialoqu gücləndirməkdir.
Bildirilib ki, bu cür layihələr iştirakçı ölkələrin iş adamları qarşısında qarşılıqlı faydalı tərəfdaşlıq perspektivlərini müzakirə etmək üçün yeni imkanlar açır.
Qeyd edək ki, forumda Özbəkistan, Qazaxıstan, Qırğızıstan, Tacikistan, Türkmənistan və Azərbaycandan nazirlik və qurumların, ticarət-sənaye palatalarının, iri şirkətlərin və özəl sektorun 300-dən çox nümayəndəsi iştirak edib.
#Özbəkistan teqi istifadə olunub
- Daşkənd şəhərində "Üstyurt" Əməliyyat Şirkətinin ofisi açıldı - Baku TV
- Özbəkistanın nəhəng mədəniyyət layihəsi | Ağ Evdən 7 dəfə böyükdür
- "Bu mübarizədə sağ qalmaq üçün türk dünyası bir araya gəlməlidir" | Suvon Meli
- İlham Əliyevin Özbəkistana səfəri başa çatıb
- İlham Əliyevin Özbəkistan səfərindən görüntülər
