ABŞ sülhlə bağlı əlindən gələni əsirgəməyəcək | Metyu Millerdən açıqlama
“ABŞ Azərbaycan və Ermənistanın sülh sazişi məsələsindəki nailiyyətlərini davam etdirməsi üçün əlindən gələni əsirgəməyəcək”.
Bunu Dövlət Departamentinin rəsmi nümayəndəsi Metyu Miller ənənəvi brifinqdə deyib.
Bununla belə o, təmsil etdiyi idarənin vasitəçiliyi ilə keçirilən Azərbaycan və Ermənistan xarici işlər nazirlərinin görüşünün detallarını açıqlamayıb:
“Onu deyə bilərəm ki, tərəflər sülh sazişinin əldə olunması istiqamətində uzun yol qət edib. Biz isə bundan sonra da bu müzakirələrin davamını təşviq edəcəyik. Hər iki dövlətin imzalayacağı sülh müqaviləsi həm onların özünə, həm də regionda təhlükəsizliyə fayda verə bilər. Biz hesab edirik ki, sülh razılaşmasının imzalanması üçün tərəflər seçim etməlidir, əsaslı kompromislərə getməlidir. Buna görə də biz onlar arasındakı fikir ayrılıqlarının aradan qaldırılması və sülh razılaşmasının əldə olunması istiqamətində çalışacağıq. Vaşinqton görüşündə biz irəliləyiş əldə etsək də, mən təfərrüatları açıqlamaq istəmirəm”.
Metyu Miller onu da əlavə edib ki, ABŞ sülh müqaviləsinin imzalanmasına nail olanadək həmin istiqamətdə çalışmağa davam edəcək.
#ABŞ teqi istifadə olunub
- ABŞ-nin “Azadlıq layihəsi” əməliyyatı Hörmüz boğazını açmaya bilər
- ABŞ yeni dünya nizamı cızır: İttifaqlar dəyişir, risklər artır? - AKTUAL GÜNDƏM
- “Heç kəsin bunu etmək hüququ yoxdur” | Rubio Hörmüzə görə kimləri hədələdi? - Baku TV
- Yaxın Şərqdə gərginlik necə olacaq? | Beynəlxalq qurum həll yolu tapa biləcək? - 24 SAAT
- Beynəlxalq qanunları pozan iki ölkə müharibəni "sənədləşdirir" - Baku TV
