Azərbaycan əleyhinə məqalə yazdılar: cavab həmin qəzetdə verildi

Britaniyanın "The Guardian" qəzetində Azərbaycanın əleyhinə yazılmış məqalələrə cavab verilib.

Azərbaycanın bu ölkədəki səfirinin nüfuzlu mətbu orqana ünvanladığı məktubda bildirilib ki, işğaldan azad edilmiş ərazilər birmənalı olaraq beynəlxalq səviyyədə Azərbaycanın tanınmış əraziləridir və bu fakt BMT Təhlükəsizlik Şurasının 4 qətnaməsi ilə də təsdiq edilib.

Həmçinin qeyd olunub ki, hər bir dövlətin öz ərazi bütövlüyünü müdafiə etməsi BMT nizamnəməsində qeyd olunduğu kimi onun ən əsas vəzifəsidir.

Bildirilib ki, Cənubi Qafqazda sülhə başlıca mane olan Ermənistanın Azərbaycan torpaqlarını işğalı məsələsi artıq ortadan qaldırılıb və hər iki ölkənin rəhbərliyi tərəfindən yaxın aylarda sülhün əldə oluna biləcəyi bəyan edilib.

Sülh razılaşmasının isə bütövlükdə regiona sabitlik və iqtisadi inkişaf gətirəcəyi vurğulanıb.