Azərbaycan Gürcüstanla müdafiə sahəsində əməkdaşlıq edəcək

Azərbaycanla Gürcüstan arasında müdafiə sahəsində əməkdaşlıq haqqında saziş imzalanıb.

Müdafiə naziri general-polkovnik Zakir Həsənov ölkəmizdə rəsmi səfərdə olan gürcü həmkarı Cuanşer Burçuladze ilə görüşündə ikitərəfli əlaqələrin inkişafında dövlət başçılarının görüşlərinin mühüm rol oynadığını xüsusi vurğulayıb. Bir çox sahələrdə olduğu kimi, hərbi sahədə də əlaqələrimizin daha da güclənərək inkişaf etdiyini qeyd edib.

Zakir Həsənov həmkarına Azərbaycan-Ermənistan şərti sərhədində və Rusiya sülhməramlı kontingentinin müvəqqəti yerləşdiyi Azərbaycan ərazisində vəziyyətin gərginləşdirilməsi məqsədilə Ermənistanın törətdiyi təxribatlar barədə məlumat verib.

Tərəflər regionda sülhün və təhlükəsizliyin təmin olunması, hərbi və digər sahələrdə əməkdaşlığın daha da genişləndirilməsi və qarşılıqlı maraq doğuran digər məsələləri müzakirə ediblər.