Azərbaycan və İran arasındakı anlaşmazlığın səbəbi | İran səfiri açıqladı

“Mən qonşu ölkələrin münasibətlərini ət və dırnağa bənzədirəm. Ət və dırnağın bir-birinə bitişik olmaqdan başqa çarəsi yoxdur. Ətlə dırnaq arasında bəzən çirk olması təbiidir, bu çirki isə biz təmizləməliyik”.

Bunu Baku TV-yə açıqlamasında İran İslam Respublikasının Azərbaycandakı səfiri Seyid Abbas Musəvi bildirib.

“Bəzən anlaşılmazlıqların yaranmasında yad əllərin olduğunu müşahidə edirik. İki qardaş, müsəlman ölkə arasında nifaq salıb, məsafə yaratmağa çalışan qüvvələr var. Lakin biz bütün məsələləri nəzarət altına almağa çalışdıq. Biz medianın sözlərinə çox əhəmiyyət vermədik, oturub qarşılıqlı söhbət və müzakirə etdik. İndi anlaşılmazlıqların aradan qalxdığı mərhələdəyik”, – diplomat qeyd edib.