Azərbaycanla Ermənistan arasında 20 sərhəd dirəyi yerləşdirildi

Azərbaycanla Ermənistan arasındakı sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında aprelin 25-dək 20 sərhəd dirəyi quraşdırılıb.

İki dövlətin ekspert qruplarının işi davam edir.

Bu barədə Baş nazirin müavini Şahin Mustafayevin Xidmətinin yaydığı məlumatda bildirilib.

Qeyd edək ki, iki ölkə arasında dövlət sərhədinin delimitasiyası komissiyalarının səkkizinci görüşünün yekunlarına əsasən əldə edilən razılaşmalara müvafiq olaraq, Azərbaycan ilə Ermənistan sərhədində iki ölkənin ekspert qrupları ərazidə geodeziya ölçmələri əsasında koordinatların dəqiqləşdirilməsi prosesinə başlayıblar.