BMT rəsmisi davamlı əməkdaşlığın əhəmiyyətindən danışdı - Baku TV
“Yeni şəhərsalma gündəliyinin həyata keçirilməsi istiqamətində irəli sürülən təşəbbüslərin konkret mexanizmlərlə dəstəklənməsi böyük əhəmiyyət daşıyır. Qarşıdakı 10 il urbanizasiya siyasətinin effektiv icrası baxımından həlledici mərhələ olacaq”.
Bu fikirləri Birləşmiş Millətlər Təşkilatında siyasət məsələləri üzrə Baş katibin müavini Qay Rayder Ümumdünya Şəhərsalma Forumunun 13-cü Sessiyasının (WUF13) Yeni Şəhərsalma Proqramına dair nazirlər səviyyəsində görüşündə videomüraciəti zamanı səsləndirib.
O bildirib ki, əsas məqsədlərdən biri əməkdaşlıq mexanizmlərinin gücləndirilməsi, yerli və regional idarəetmə orqanları arasında koordinasiyanın daha da artırılmasıdır.
Qay Rayder vurğulayıb ki, yeni şəhərsalma təşəbbüslərinin həyata keçirilməsi yalnız müzakirələrlə məhdudlaşmamalı, konkret nəticələrlə müşayiət olunmalıdır.
BMT rəsmisi əlavə edib ki, qarşıdakı dövrdə urbanizasiya siyasətinin uğurlu icrası üçün siyasi iradə, institusional koordinasiya və davamlı əməkdaşlıq xüsusi əhəmiyyət daşıyacaq.
#Birləşmiş Millətlər Təşkilatı teqi istifadə olunub
- WUF13-ün başlanması ilə bağlı BMT və Azərbaycan bayraqlarının qaldırılması mərasimi - Baku TV
- WUF13-ün başlanması ilə bağlı BMT və Azərbaycan bayraqlarının qaldırılması mərasimi - Baku TV CANLI
- "Global Media Group" BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib
- "Global Media Group" əməkdaşları dayanıqlı yaşayış mövzusunda sessiyada iştirak edib - Baku TV
- Əraqçi Hörmüzdə keçidin bərpa olunmasının şərtlərini açıqladı - Baku TV
