Enerji təhlükəsizliyini istəyənlər bunu etməlidir | Rusiyanın zərərlə işləyən şirkətinin adı

2024-cü ilin sonunda Rusiya qazının Ukrayna ərazisindən tranziti ilə bağlı müqavilənin müddəti başa çatır.

Ukraynanın Baş naziri Denis Şmıqal bəyan edib ki, Kiyev Moskva ilə bu sazişin müddətinin uzadılmasını müzakirə etməyi planlaşdırmır.

Əksər Avropa İttifaqı ölkələri üçün bu vəziyyət problem deyil, lakin Avstriya, Slovakiya və Macarıstanla bağlı durum fərqlidir.

Boru kəmərləri ilə ixracdan başqa İspaniya, Fransa, Belçika və Niderland da Rusiyadan tankerlərlə mayeləşdirilən təbii qaz alırdı.

Aİ ilə Macarıstan arasında siyasi fikir ayrılıqları fonunda Ursula fon der Lyayen Viktor Orbanı enerji məsələsində fərqli mövqe tutmaqda ittiham edib.

2021-ci ildə Aİ-nin enerji idxalında Rusiyanın boru kəmərləri ilə ixrac etdiyi qazın payı 40 % idisə, 2023-ci ildə bu rəqəm cəmi 8 % təşkil edib. Elə bu səbəbdən də “Qazprom” “Forbes” jurnalının 2023-cü ilin sonunda Rusiyanın ən zərərlə işləyən şirkətləri reytinqində birinci yeri tutub.

Şirkətin 2023-cü il üçün xalis zərəri 583,1 milyard rubl təşkil edib. Bu, şirkətin son 25 ildə ilk itkisidir.

Beynəlxalq Enerji Agentliyi xəbərdarlıq edib ki, əgər qış sərt olsa, Rusiya qazının Ukrayna ərazisində tranzitindən imtina bu qış Avropanın bəzi ölkələri üçün problem yarada bilər.

Bundan əlavə, Rusiya qazını əvəz edəcək yeni müqavilələr və yeni marşrutlar xərclərin artmasına səbəb olacaq.

Avropanın ən böyük iqtisadiyyatına malik Almaniya bəyan edib ki, Ukraynanın Rusiya qazının Avropaya tranzitini dayandırmaq qərarından narahat deyil. Almaniya maye qaz terminalları hətta sahilə çıxışı olmayan Avropa ölkələrinin də qaz çatışmazlığı problemindən xilas olmasına kömək edə bilər.

Maraqlıdır, Avropa bu qazı haradan alır? Ümumiyyətlə, sözügedən müqavilənin dayandırılması nələrə səbəb ola bilər?