Fransa Azərbaycanla bağlı məlumatları Ermənistana ötürəcək

Fransa Azərbaycanla bağlı peyk məlumatlarını Ermənistana ötürəcək.

Ermənistan KİV-də yayılan xəbərlərə görə, bu barədə Fransanın “Telegram” kanalları yazıb.

Qeyd olunub ki, Ermənistanın Baş naziri Nikol Paşinyanın Parisə səfərinin sonunda Fransa Kəşfiyyat Xidməti ilə Ermənistan Milli Təhlükəsizlik Xidməti arasında dörd ölkə – Azərbaycan, İran, Rusiya və Türkiyə ilə bağlı kəşfiyyat məlumatlarının mübadiləsinə dair razılıq əldə olunub.

Bundan əlavə, eyni məlumata görə, Paris Ermənistanın sərhədləri boyunca hərbi-siyasi vəziyyətlə bağlı məlumatları özündə əks etdirən peyk məlumatlarını İrəvana ötürəcək.

Qeyd edək ki, Nikol Paşinyan Emmanuel Makronla görüşdən sonra əldə olunan razılaşmaları açıqlayaraq Ermənistanın müdafiə qabiliyyətinin gücləndirilməsinin qonşuları arasında təşviş yaratmamalı olduğunu deyib.