Fransa Gürcüstan üzərindən Ermənistana hərbi yüklər çatdırır

Fransa Gürcüstandan keçməklə Ermənistana hərbi texnika göndərir. Bunu əks etdirən görüntülər sosial mediada yayılıb.

“Caliber”in etibarlı mənbələrdən əldə etdiyi məlumata görə, digər silahlarla yanaşı, Ermənistan Silahlı Qüvvələri üçün nəzərdə tutulan və “Acmat” şirkətinin istehsalı olan “Bastion” markalı çoxməqsədli zirehli texnika Gürcüstanın Poti limanından yola salınıb.

Həmin zirehli texnika üçün komponentlər də göndərilib. Hərbi yüklərin tədarükçüsü Fransanın “ARQUUS” şirkətidir.

Qeyd edək ki, Gürcüstan uzun müddət Fransa silahlarının Ermənistana ötürülməsinə imkan verməsə də, görünür, indi rəsmi Tbilisi buna göz yumub.