Fransa xalqın səsini görün necə kəsməyə çalışır | Bakı Təşəbbüs Qrupundan reaksiya

Fransa Milli Assambleyasının Yeni Kaledoniyada səsvermə qaydalarına dəyişiklikləri təsdiqləməsi adada gərginliyi artırıb, təhlükəsizlik qüvvələri ilə toqquşmalara gətirib çıxarıb.

Son məlumata görə, qarşıdurma zamanı adanın yerli sakini olan üç gənc həlak olub, 140 nəfər isə həbs edilib.

Uzun zamandır işğal altında saxladıqları insanların səslərini duyurmasından narahat olan Fransa hakimiyyəti onları susdurmağın yolunu komendant saatı tətbiq etməkdə və ictimai toplantılara qadağa qoymaqda tapıb.

Bakı Təşəbbüs Qrupu isə Fransanın Yeni Kaledoniyada mülki şəxslərə qarşı zorakılığı ilə bağlı bəyanat yayıb, Fransa hakimiyyəti tərəfindən həyata keçirilən son həbslər və komendant saatının tətbiqi ilə əlaqədar ciddi narahatlığını bildirib.

Fransa yeganə ölkədir ki, dənizaşırı departamenti adı altında keçmiş müstəmləkə ərazilərinə nəzarəti saxlayır və həmin yerlərdə müstəmləkəçilik siyasətini davam etdirir. Bunun nəticəsidir ki, dənizaşırı ərazilərdən olan Yeni Kaledoniyada gərginlik pik həddə çatıb.

Məlumat üçün bildirək ki, demokratik ideyaları məhv edən və insani dəyərləri ucuzlaşdıran Fransa 1873-cü ildən bəri yerli kanak xalqını əsarəti altında saxlayır, onların bütün hüquqlarını pozur. Əslində, Yeni Kaledoniya 1986-cı ildən müstəmləkə siyasətindən azad edilmiş xalqlar siyahısına daxil edilib.