General Karapetyan: “Azərbaycan bu 4 ermənini İrəvandan tələb edəcək”

Ermənistanın "Past" qəzeti sabiq müdafiə naziri, general Arşak Karapetyana istinadən sensasiyalı məlumat yayıb. Karapetyan iddia edir ki, Azərbaycan yaxın gələcəkdə İrəvandan bir qrup yüksək rütbəli hərbi cinayətkarın ekstradisiyasını tələb edəcək. Onun sözlərinə görə, bəzi məxfi sənədlər Azərbaycanın əlinə keçib və Ermənistan hakimiyyətinin bu tələblərlə razılaşacağı istisna deyil. Siyahıda ilk növbədə 4 erməni generalın adı çəkilir: Silahlı Qüvvələrin keçmiş Baş Qərargah rəisləri Yuri Xaçaturov, Movses Akopyan, Artak Davtyan və ləğv edilmiş separatçı rejimin "müdafiə naziri" Kamo Vardanyan. Həmçinin, Azərbaycan ərazilərinin işğalında və müharibə cinayətlərində ittiham olunan Robert Köçəryan, Serj Sərkisyan və Seyran Ohanyanın da adlarının bu siyahıda olacağı ehtimal edilir.