Gürcüstanda Zəfər Gününə həsr edilmiş tədbirlər keçirildi

Azərbaycan tarixinə qızıl hərflərlə həkk olunmuş 8 Noyabr – Zəfər Günü Gürcüstanda silsilə tədbirlərlə qeyd olunub.

Belə ki, bu münasibətlə Tbilisidə bayram tədbiri keçirilib.

Tədbirdə Azərbaycanın Gürcüstandakı səfirliyinin əməkdaşları, SOCAR-ın Gürcüstan nümayəndəliyinin rəhbəri Mahir Məmmədov, eləcə də tələbələr və gənclər iştirak ediblər.

Səfir Faiq Quliyev Vətən müharibəsində Gürcüstandakı soydaşlarımızın rolunu xüsusi qeyd edib.

Sonra Azərbaycan Respublikası Mədəniyyət Nazirliyi, Bakı Media Mərkəzi və Azərbaycanfilm kinostudiyasının Zəfər Gününə ilə bağlı çəkdiyi “Biz” sənədli filmi nümayiş etdirilib.

Onu da qeyd edək ki, Tbilsi küçələrində Zəfər Günü ilə bağlı görüntüləri əks etdirən LED monitorlu avtomobil gün ərzində hərəkət edib. Şəhərin mərkəzindəki elektron reklam lövhəsində Zəfər Günü ilə bağlı xüsusi baner yerləşdirilib.