Hikmət Hacıyev Aİ nümayəndələri ilə görüşdü | Detallar

Prezidentin köməkçisi Hikmət Hacıyev Avropa İttifaqına üzv dövlətlərin daimi nümayəndələri/səfirləri səviyyəsində təmsil olunan Siyasi və Təhlükəsizlik Komitəsi ilə müzakirədə iştirak edib.

Bu barədə o, öz “X” sosial şəbəkə hesabında paylaşım edib.

“Biz Avropa İttifaqına üzv dövlətlərin daimi nümayəndələri/səfirləri səviyyəsində təmsil olunan Avropa İttifaqının Siyasi və Təhlükəsizlik Komitəsi ilə geniş və dərin müzakirə apardıq. Görüşümüzə həmsədrlik etdiyi üçün Siyasi Direktorun müavini Delfin Pronka təşəkkür edirəm”, – deyə Hikmət Hacıyev paylaşımında bildirilib.

Qeyd edək ki, görüş iştirakçıları arasında Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov və Azərbaycanın Belçika və Lüksemburqdakı səfiri Vaqif Sadıqov da yer alıb.