İrəvan Bakının bu şərtlərini qəbul etsə... | Markovdan gözlənilməz açıqlama

Bu il Azərbaycan və Ermənistan arasında sülh müqaviləsinin imzalanması perspektivləri, fikrimcə, kifayət qədər yüksəkdir.

Bunu “Moskva-Bakı”ya müsahibəsində Siyasi Araşdırmalar İnstitutunun direktoru Sergey Markov deyib.

“Ermənistan Bakının şərtlərini qəbul etməyə hazırdır, iki ölkə arasında 12 kilometr sərhədin demarkasiyası artıq həyata keçirilib. Mən əminəm ki, hakimiyyət Konstitusiyadan Azərbaycana qarşı bütün ərazi iddialarını çıxaracaq, Azərbaycan da bunu tələb edir”, – politoloq qeyd edib.

S.Markov vurğulayıb ki, Zəngəzur dəhlizi ilə bağlı vəziyyətin necə inkişaf edəcəyi hələ də sual altındadır:

“Lakin Ermənistan hakimiyyəti, həqiqətən də, Azərbaycanla sülhə sadiqdir. Noyabrda Bakıda keçiriləcək BMT-nin iqlim konfransına qədər hər şey bu sazişin imzalanmasına doğru gedir. Ermənistan üçün Azərbaycanla sülh imzalansa, daha yaxşı olar, ölkə həyatında yeni səhifə açılar”.