İstəyirdi, xalq onun niyyətlərini başa düşsün | Qusman Ulu Öndərin media ilə yaxınlığından danışdı

“Heydər Əliyev vəzifəyə başladığı ilk gündən mətbuata böyük önəm verirdi. O dövrdə Bakıda nüfuzlu nəşrlər çıxırdı – rusdilli “Bakinski raboçiy”, Azərbaycan dilində “Kommunist” qəzeti, böyük populyarlıq qazanan axşam qəzeti “Bakı” və digər kütləvi informasiya vasitələri”.

Bunu TASS informasiya agentliyinin baş direktorunun birinci müavini Mixail Qusman Bakıda “Medianın inkişafında Ümummilli Lider Heydər Əliyevin rolu” mövzusunda keçirilən konfransda bildirib.

“Heydər Əliyev KİV-in dövlət quruculuğundakı strateji rolunu dərindən anlayırdı. O istəyirdi ki, xalq hakimiyyəti və onun niyyətlərini başa düşsün. Hətta çəkdirdiyi fotolara ciddi yanaşırdı, əhəmiyyətsiz görünən detallara xüsusi diqqət yetirirdi. İlk baxışdan kiçik olan nüanslar onun insanlarla ünsiyyətdə hər bir detala necə əhəmiyyət verdiyini göstərirdi”, – deyə o qeyd edib.