Netanyahu Azərbaycana neçə günlük səfər edəcək? | Tofiq Zülfüqarovdan açıqlama

İsrailin Baş naziri Benyamin Netanyahu mayın 7-də Azərbaycana səfər edəcək. Səfərin ayın 11-dək davam edəcəyi gözlənilir.

Eyni zamanda mayın 10-da Türkiyə Prezidenti Rəcəb Tayyib Ərdoğanın Bakıya səfər edəcəyi gözlənilir.

Sabiq xarici işlər naziri Tofiq Zülfüqarov “Bakupost”a açıqlamasında onların Bakıda görüşünün mümkün olduğunu bildirib.

“R.T.Ərdoğan və B.Netanyahunun görüşü istisna olunmur. Güman ki, geniş müzakirələr olacaq. İsrail üçün Türkiyənin mövqeyi çox vacibdir. Ələlxüsus ona görə ki, artıq İsrail və İran arasında ciddi toqquşma ehtimalı çox yüksəkdir. Ona görə İsrail istər-istəməz Türkiyə ilə bu və ya digər şəkildə məsələləri həll etməlidir”, − o vurğulayıb.

Qeyd edək ki, “The Times of Israil” də B.Netanyahunun Bakıda Türkiyə Prezidenti Rəcəb Tayyib Ərdoğanla görüşünün gözlənildiyini yazıb.