Pleyeri seçin:
Netanyahu İsrailin Ukraynaya niyə silah verə bilmədiyini açıqlayıb
İsrailin Baş naziri Benyamin Netanyahu bildirib ki, ölkəsi Rusiya ilə uzunmüddətli razılaşmalara görə Ukrayna Ordusunu silahla təmin edə bilməz.
Bu barədə o, Berlində kansler Olaf Şoltsla danışıqlardan sonra birgə mətbuat konfransında deyib. O xatırladıb ki, bir neçə il əvvəl İsraillə Rusiya arasında saziş bağlanıb. Daha sonra tərəflər İsrail və Rusiya pilotlarının Suriya hava məkanı yaxınlığında yan-yana uçması barədə razılığa gəliblər.
“Bu, İranın İsrail üçün üçüncü cəbhə açmasına mane olur. Amma bu məhdudiyyətlər və mülahizələr çərçivəsində biz Ukraynaya humanitar və müdafiə dəstəyi verməyə çalışırıq ki, bu da biz burada danışarkən baş verir. Biz Ukraynanı təkcə humanitar vasitələrlə dəstəkləmirik, həm də mülki müdafiəyə yardım edirik”, - deyə Baş nazir bildirib.
Kopyalandı
Seçilmişlər
