Paşinyan erməni deputatlara güvənmir

Ermənistanın Baş naziri Nikol Paşinyan artıq öz komanda üzvlərinə də güvənmir.

Bu barədə Ermənistanın “Joqovurd” qəzeti məlumat verib. Bildirilib ki, təhlükəsizlik xidmətinin əməkdaşları görüşlərdən əvvəl hakim “Mülki Müqavilə” partiyasının deputatlarının telefonlarını və ağıllı saatlarını yığırlar.

Bu məlumatı erməni deputat Ovik Ağazaryan da təsdiqləyib. Deputat iddia edib ki, guya bu addım parlamentarilərin diqqətinin yayınmaması üçün atılıb.

Məlumata görə, iyunun 10-da Nikol Paşinyan müdafiə naziri Suren Papikyanın oğlu Arşak Orduxanyanın toyunda iştirak edib. Baş nazirin toyda iştirakından əvvəl isə təhlükəsizlik işçiləri təxminən 900 qonağı metal detektorları ilə yoxlayıb. Ermənistan mətbuatı bunun Baş nazirin təhlükəsizlik qayğılarından xəbər verdiyini iddia edir.