Paşinyan gizli görüşdə Bakıdan nələr danışdı?

Ermənistanın Baş naziri Nikol Paşinyan parlamentin deputatları ilə qapalı görüş keçirib.

Bu barədə erməni kütləvi informasiya vasitələri məlumat yayıb. Bildirilib ki, gizli baş tutan iclas üç saatdan çox davam edib.

Xəbərə görə, Nikol Paşinyan Azərbaycan Prezidenti İlham Əliyevlə keçirilən görüş də daxil olmaqla Münxen danışıqlarının nəticələrini deputatlarla bölüşüb və o, danışıqlar prosesində xüsusi irəliləyişin olmadığını bildirib.

Ermənistan mətbuatında qapalı iclasın digər detalları barədə məlumat verilməyib. Hakim partiya da hələlik görüşlə bağlı hər hansı açıqlama yaymayıb.