Politoloq Zəngəzur dəhlizindən danışdı | Erməni siyasətçilərinin "narahatlıqları" davam edir
Türkiyənin Suriyada böyük uğur əldə etməsi, regional güc olaraq imkanlarını genişləndirməsinin Cənubi Qafqaza sirayət edəcəyini düşünən erməni siyasətçi və ekspertlərinin “narahatlıqları” davam edir.
Bütün şərhlərdə əsas diqqət mərkəzi Zəngəzur dəhlizinin açılmasıdır.
Erməni politoloqlar hesab edirlər ki, Azərbaycanın qarşısında artıq bu məsələdə heç bir maneə qalmayıb.
Bu istiqamətdə daha bir şərh politoloq Sergey Melkonyandan gəlib. O da bildirib ki, Zəngəzur dəhlizini açmaq məqsədilə Azərbaycanın Ermənistana hücum ehtimalı getdikcə artır.
O, Azərbaycan Ordusunun İran qüvvələri ilə hərbi təlim keçirməsini belə bunun “sübutlar”ından biri kimi göstərib. Halbuki erməni politoloqlar hər zaman Zəngəzur dəhlizinin açılmasında əsas maneənin Tehran olduğunu vurğulayırlar.
S.Melkonyanın fikrincə, Azərbaycan bu təlimi keçirməklə İrana “ona qarşı heç bir hərəkəti olmadığını” göstərmək istəyib.
Geosiyasi vəziyyətə gəlincə, ekspert iddia edib ki, Rusiya və İranın regionda rolu azalıb, Türkiyənin isə artıb və bu, Azərbaycan üçün “tarixi imkanlar” açır.
#Ermənistan teqi istifadə olunub
- Erməni politoloq Ərdoğanın açıqlamasını belə şərh etdi
- "Rusiya bu işə bir çox cəhətdən maraq göstərir" | Mixail Kaluqindən açıqlama
- Azərbaycanla bu məsələni müzakirə etmişik | Paşinyanın müavini təsdiqlədi - Baku TV
- Qazaxıstan Prezidentindən Azərbaycan və Ermənistanla bağlı açıqlama - Baku TV
- Azərbaycanla bu məsələni müzakirə etmişik | Paşinyanın müavini təsdiqlədi - Baku TV CANLI
