Prezident: Hazırda iki telekommunikasiya və bir Yer səthinin müşahidəsi peykimiz var

“Azərbaycan 10 ildən artıqdır ki, beynəlxalq kosmos klubunun üzvüdür. Bu gün bizim iki telekommunikasiya və bir Yer səthinin müşahidəsi peykimiz var. Biz bu sahəni Azərbaycanda inkişaf etdirməyə davam edirik”.

Bu sözləri Azərbaycan Prezidenti İlham Əliyev 74-cü Beynəlxalq Astronavtika Konqresinin açılış mərasimindəki çıxışında söyləyib.

Dövlət başçısı bildirib ki, bu peyklər azərbaycanlı mütəxəssislər tərəfindən idarə edilir və peyk xidmətlərimizdən 45-dən çox ölkə istifadə edir.