Sülh sazişi barədə təcili açıqlama | Paşinyan kimlərə od püskürdü?

“Mən sizə Azərbaycanla sülh sazişi layihəsi ilə tanış olmaq imkanı verdim, bundan sonra cəmiyyətimizə nağıl danışmağa başladınız. Mən də sizə bu sənədə baxmağa qadağa qoydum və düzgün etdim”.

Bu barədə Ermənistanın Baş naziri Nikol Paşinyan parlament saatı zamanı bildirib.

“Əvvəllər bir neçə müxalifət deputatı sənəd layihəsi ilə tanış olub və bundan sonra bir neçə siyasi bəyanatla çıxış edib, manipulyasiya etmək qərarına gəliblər. Buna görə “diplomatik etikaya” əsaslanaraq bu sənədi yayımlamaqdan imtina etmişik.

Mümkün saziş sülh müqaviləsinin icrasının gedişinə, diplomatik münasibətlərin qurulmasına və ərazi bütövlüyünün qarşılıqlı tanınmasına nəzarət etmək üçün Azərbaycan-Ermənistan komissiyasının yaradılmasını nəzərdə tutur”, – deyə N.Paşinyan bildirib.