Putin Consonu raketlə hədələyib?

Birləşmiş Krallığın sabiq baş naziri Boris Conson “BBC” telekanalında yayımlanan “Putin Qərbə qarşı” sənədli filmində Rusiya Prezidentindən danışıb və bildirib ki, Vladimir Putin onu telefon danışığı zamanı raket zərbəsi ilə hədələyib.

Consonun sözlərinə görə, buna səbəb Rusiya Prezidentinə müharibə ilə bağlı etdiyi xəbərdarlığı və bunun fəlakətlə nəticələnəcəyini xatırlatması olub. Bundan sonra Vladimir Putin “Səni incitmək istəmirəm, amma raket zərbəsini endirmək 1 dəqiqə çəkir”, - deyə Boris Consona cavab verib.

Rusiya Prezidentinin zarafat etdiyini və sülh danışıqlarından yayındığını deyən sabiq baş nazir əlavə edib ki, Vladimir Putinin telefon danışığındakı səmimiyyəti onu təəccübləndirib.

Qeyd edək ki, Kremlin sözçüsü Dmitri Peskov Boris Consonun iddiasını təkzib edib və bunu “yalan” adlandırıb.