XİN İsveçrəyə Kran-Montanadakı faciəvi yanğınla bağlı başsağlığı verib - Baku TV
İsveçrənin Kran-Montana dağ-xizək kurortundakı əyləncə mərkəzində partlayış baş verib. Nəticədə, 40 nəfər ölüb, azı 100 nəfər isə yaralanıb.
Ölənlər və yaralananlar arasında Azərbaycan vətəndaşlarının olub-olmaması barədə məlumat daxil olmayıb.
Belə bir açıqlama ilə Xarici İşlər Nazirliyinin mətbuat xidmətinin rəhbəri Ayxan Hacızadə çıxış edib.
Bu arada rəsmi Bakı faciə ilə əlaqədar başsağlığı verib.
Bu barədə Nazirliyin “X” sosial media hesabında paylaşım edilib.
“Kran-Montanadakı faciəvi yanğın xəbəri bizi dərindən kədərləndirdi, bu hadisə bir çox insanın həyatına son qoydu və xəsarətlərə səbəb oldu. Qurbanların ailələrinə və İsveçrə xalqına səmimi başsağlığı verir, dərin hüznümüzü bildiririk. Sevdiklərini itirənlərin yanında olduğumuzu bildirir, yaralananlara isə tezliklə sağalmağı arzulayırıq”, – deyə paylaşımda qeyd olunub.
#Xarici İşlər Nazirliyi teqi istifadə olunub
- ABŞ Dövlət Departamentinin bəyanatına Azərbaycan XİN-dən reaksiya - Baku TV
- Konsulluq əməkdaşları İranın bu şəhərindən tam təxliyə edildi | Ayxan Hacızadədən açıqlama - Baku TV
- Ceyhun Bayramov İranla bağlı kritik vəziyyətdən danışdı - "50-dən çox ölkə müraciət etdi" - Baku TV
- Bu ölkələrdəki Azərbaycan vətəndaşları ilə bağlı təcili hərəkətə keçildi - Baku TV
- Ceyhun Bayramovdan həmyerlilərimizin təxliyəsi ilə bağlı önəmli açıqlama - Baku TV CANLI
