1 manat 50 qəpikdir, 50 qəpiyə satırıq | Bazarda məhsullar necə saxlanılır?

Qida məhsullarının uzun müddət saxlanılmasında soyuducuların rolu əvəzsizdir. İsti yay günlərində isə soyuducu olmadan məhsulların “ömrünü” uzatmaq demək olar ki, mümkün deyil.

Bəs bazarlarda məhsullar necə saxlanılır?

Satıcıların çoxu soyuducudan istifadə etmədiyini, sata biləcəkləri qədər məhsul götürdüklərini deyirlər.

“Hər gün müəyyən qədər məhsul götürüb satırıq. Axşam bazarı da 1 manat 50 qəpiyə satdığımız məhsulu 50 qəpiyə veririk ki, məhsul sabaha qalmasın”, – satıcı söyləyib.

Ancaq məhsullarını soyuducularda saxlayanlar da var. Sahibkarlar deyirlər ki, məhsulların xarab olmaması üçün bazarda soyuducu quraşdırmalı olublar.