Ağlımıza gəlməzdi ki, 32 il sonra… | Laçında 4-cü əmək yarmarkası keçirilib

Böyük Qayıdış proqramına uyğun olaraq Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi işğaldan azad olunmuş ərazilərimizə köçürülən sakinlər üçün aktiv məşğulluq proqramlarını davam etdirir.

Agentlik Laçın rayonunda Azərbaycan Respublikası Prezidentinin xüsusi nümayəndəliyinin dəstəyi ilə növbəti əmək yarmarkası keçirib.

Agentliyin İdarə Heyətinin sədri Sadiq Əliyev bunun Laçında keçirilən sayca 4-cü əmək yarmarkası olduğunu bildirib:

“İndiyə qədər ölkə üzrə bu il ərzində 118 əmək yarmarkası keçirilib. Bu yarmarkalarda 1500-dən çox işəgötürən iştirak edib. 15 000-dən çox vakansiya təqdim edilib və 118 000 işsiz və işaxtaran şəxs bu əmək yarmarkalarında iştirak edib. Laçında keçirilən əmək yarmarkasında da 24 işəgötürən tərəfindən 260-dan yuxarı vakansiya təqdim olunub”.