Bakının Qaradağ rayonundan yola salınan köç karvanı Laçına çatdı

Mayın 24-də Bakının Qaradağ rayonundan yola salınan növbəti köç karvanı Laçın rayonunun Sus kəndinə çatıb.

Bu mərhələdə kəndə 39 ailə – 140 nəfər köçürülüb. Doğma yurda qayıtmış ailələr Qaçqınların və Məcburi Köçkünlərin İşləri üzrə Dövlət Komitəsinin nümayəndələri tərəfindən müvafiq qaydada onlara verilən evlərdə yerləşdiriliblər.

Sus kəndi dövlət başçısının tapşırığı əsasında tamamilə yenidən tikilib və zəruri infrastrukturla təchiz olunub. İndiyədək Sus kəndində 59 ailə mənzillə təmin edilib.