Baku TV-nin DİN ilə birgə keçirdiyi gizli narkotik əməliyyatı
Yeniliklərdən dərhal xəbərdar olun
Baku TV-yə Nəsimi rayonu, Mərdanov qardaşları küçəsində yerləşən baytarlıq aptekinə daimi olaraq narkotik alverçilərinin gəldiyi ilə bağlı məlumat daxil olub.
Xüsusi müxbir Toğrul Kamalov gizli çəkiliş vasitəsilə iddianı araşdırmaq üçün sözügedən ünvanda olub.
O, narkotik almaq adı ilə ərazidəki şəxsdən alverçilərin buraya əsasən axşam saatlarında gəldiklərini öyrənib. Axşam yenidən həmin ünvana gedən jurnalist burada narkotik alverinin həyata keçirildiyini aşkarlayıb.
Daha sonra məsələ ilə bağlı Daxili İşlər Nazirliyi məlumatlandırılıb və qərara gəlinib ki, birgə müşahidə qrupu yaradılsın. Polis əməkdaşlarının həmin ərazidə keçirdikləri tədbirlərlə əvvəllər məhkum olunmuş şəxslər – Rauf Cəfərov, Elnur Əlizadə, Hüseyn Əliyarov və Vahid Məmmədov saxlanılıblar.
Araşdırma zamanı həmin şəxslər narkotik vasitə aludəçiləri olduqlarını, qeyd edilən ünvanda yerləşən aptekdən isə narkotik vasitə istifadə etmək üçün şpris aldıqlarını, lakin aptekdə narkotik vasitələrin satışının təşkil olunmadığını bildiriblər. Eyni zamanda saxlanılmış şəxslərdən Rauf Cəfərov, Hüseyn Əliyarov və Elnur Əlizadə İnzibati Xətalar Məcəlləsinin müvafiq maddəsi ilə inzibati məsuliyyətə cəlb ediliblər. Vahid Məmmədovun üzərindən isə narkotik maddə aşkarlandığından faktla bağlı cinayət işi başlanılıb.
Həmçinin araşdırma zamanı qeyd olunan baytarlıq aptekinin lisenziya əsasında işləməsi məlum olub, aptekdə narkotik vasitələrin qanunsuz satışının təşkil olunması faktı isə təsdiqini tapmayıb.
#Nəsimi rayonu teqi istifadə olunub
- Paytaxtda törədilən qətllə bağlı yeni və diqqətçəkən məlumatlar məlum olub - Baku TV
- "6 nəfər 2 otaqda necə yaşasın?" - Qaz xətti qırıldı, ev çökdü - Ağac aşmasında şirkət günahkardır?
- "Gəlib taxta ilə vururlar ki...” | Beton parçaları və daşlar insanların başına “yağır” - Baku TV
- Vətəndaşların şikayətinə niyə baxan tapılmır?
- Vətəndaşlar məcbur qalıb avtomobil yolu ilə getdiklərini deyirlər
