Bu küçədən istifadə edənlərin diqqətinə | İdarəetmə Şurası yeni layihə hazırladı

Qoşa Qala qapıları qarşısındakı meydanda, eyni zamanda Əziz Əliyev küçəsi ilə bağlı bir neçə təkliflər irəli sürülüb.

Təkliflərdən biri və ən əsası bu ərazilərdə nəqliyyat vasitələrinin hərəkətini tamamilə məhdudlaşdırmaqdır.

Belə ki, irəli sürülən təkliflərə əsasən, Qoşa Qala qapıları qarşısındakı meydanda turist avtobuslarının minib-enmə məntəqələrinin yaradılması, Əziz Əliyev küçəsində isə nəqliyyat vasitələrinin hərəkətini tamamilə məhdudlaşdırmaqla bu ərazidə piyada zonasının yaradılması və mikromobillik zolaqlarının çəkilməsidir.

Bunun kimi bir neçə layihə paytaxt ərazisində icra olunub. Bəs görəsən bu ərazilərdə nəqliyyat vasitələrinin hərəkətinin məhdudlaşdırılması tıxacın yaranmasına səbəb ola bilərmi?

Nəqliyyat eksperti Samuran Səmədbəyli bildirib ki, sözügedən ərazidə günün istənilən saatlarında tıxacın və qanunsuz parklanmanın şahidi ola bilərik:

“Bu isə UNESCO-nun milli irsinə daxil olan bu yerlərə gələnlərin hərəkətinə mane olur. Burada məsafə çox qısa olduğundan nəqliyyat vasitələrinin sürücüləri alternativ yoldan istifadə edərək həmin əraziyə daxil ola bilərlər”.