Cahid Bağçı Qənirə Paşayeva haqqında danışdı: Türkiyə səfiri dəfn mərasimində

“Qənirə xanımla bağlı deyiləcək sözlər tükənmir. Onun idealları türk millətinin övladları ilə yaşayacaq”.

Bu sözləri Türkiyənin Azərbaycandakı səfiri Cahit Bağçı mərhum millət vəkili Qənirə Paşayevanın dəfn mərasimində deyib.

“O, çox enerjili, dəyərli insan idi. Milli davasını sonuna qədər aparan müsəlman bacımız idi. Qənirə xanım Türkiyə-Azərbaycan qardaşlığının möhkəmlənməsinə xidmət edən bir şəxs idi. Qənirə xanım üçün bu dünya çox kiçik idi. Allah məkanını cənnət etsin”, – o söyləyib.