Caliber: Ermənistan İran dronlarından istifadə edir

Azərbaycan-Ermənistan şərti sərhədində toqquşmalar davam edir. Bu barədə “Caliber” məlumat yayıb.

Məlumatda deyilir ki, Ermənistan tərəfi kamikadze pilotsuz uçuş aparatlarından fəal şəkildə istifadə edir. İndiyədək 5 güclü partlayışın qeydə alındığı bildirilir. Daha genişmiqyaslı zərbələrin olacağı gözlənilir. İlkin məlumatlara əsasən, söhbət İran istehsalı olan zərbə dronlarından gedir.

Azərbaycan Müdafiə Nazirliyi məlumat yayıb ki, Ordumuzun müddətdən artıq həqiqi hərbi xidmət hərbi qulluqçusu Müslüm Vidadi oğlu Mahmudlu başından ağır yaralanıb. Mayın 11-də səhər saatlarından etibarən Ermənistan Silahlı Qüvvələri vəziyyəti eyni istiqamətdə daha da gərginləşdiriblər.

“Ermənistan Zod istiqamətində yerləşən mövqelərindən Azərbaycan Ordusunun üzbəüz mövqelərini minaatanlardan atəşə tutur. Bölmələrimiz tərəfindən zəruri cavab tədbirləri görülür”, – deyə məlumatda qeyd edilib.