"Global Media Group"un tərkibindəki media qurumu "Prokurorluğun dostu" mükafatı ilə təltif olunub

"Global Media Group"un tərkibindəki "Caliber.Az" media qurumu "Prokurorluğun dostu" mükafatına layiq görülüb.

Mükafat Baş Prokurorluqda xidməti vəzifələrini nümunəvi icra etdiklərinə görə Baş prokuror tərəfindən həvəsləndirilən, habelə "İlin ən yaxşı müstəntiqi", "İlin ən yaxşı dövlət ittihamçısı" və "İlin ən yaxşı prokuroru" müsabiqələrinin qalibi olan prokurorluq işçilərinə təqdim olunub.

Prokurorluq orqanları ilə media arasında operativ və səmərəli kommunikasiyanın qurulmasında fərqlənən media nümayəndələri də mükafatlandırılıb.

Belə ki, CBC teleradio şirkətinin baş direktoru Vüqar Xəlilov, "Caliber.Az" informasiya-analitik portalının baş redaktoru Timur Hüseynov və "Azərbaycan" qəzetinin İctimaiyyətlə əlaqələr şöbəsinin müdiri Bəxtiyar Əzizli "Prokurorluğun dostu" mükafatı ilə təltif olunub.