Dünyanın ən güclü ordularının siyahısı açıqlandı | Ermənistan isə...

Azərbaycan Silahlı Qüvvələri dünyanın ən güclü ordularının reytinqində yer alıb.

Bu barədə ABŞ-nin “U.S. News and World Report” nəşri məlumat yayıb.

Siyahıda ilk sıralarda Rusiya, ABŞ, İsrail, Çin, Cənubi Koreya, İran, Böyük Britaniya, Ukrayna, Almaniya, Türkiyə orduları yer alıb. Azərbaycan Ordusu siyahıda 29-cu yerdə qərarlaşıb.

Qeyd edək ki, Ermənistan reytinqdə yer almayıb.

Yazıda Azərbaycan haqqında digər məlumatlar da təqdim olunub. Qeyd edilir ki, ölkədə vətəndaşların əksəriyyəti müsəlman olsa da, Azərbaycan dini etiqad azadlığına zəmanət verən dünyəvi dövlətdir.

“Ölkə təbii ehtiyatlarla zəngindir və iqtisadiyyatı əsasən neft və digər enerji ixracına əsaslanır. Azərbaycan yüksək iqtisadi inkişaf və savadlılıq səviyyəsinə malik gəlirli ölkə hesab olunur”, – deyə məqalədə bildirilib.