Ehtiyac meyarında artım | İqtisadçıdan mühüm açıqlama

2026-cı ildə Azərbaycanda yaşayış minimumu və ehtiyac meyarının 300 manat olması nəzərdə tutulur.

2025-ci il üçün bu göstərici 285 manatdır. Bu o deməkdir ki, 2026-cı ildə ehtiyac meyarı əvvəlki illə müqayisədə 5,3 % və ya 15 manat çox olacaq.

Ehtiyac meyarına ünvanlı dövlət sosial yardımın təyin edilməsi məqsədilə müraciət edilir. Belə ki, qanunvericiliyə görə, ünvanlı dövlət sosial yardımı almaq hüququna orta aylıq gəliri onlardan asılı olmayan səbəblərdən hər bir ailə üzvü üçün ehtiyac meyarının cəmindən aşağı olan aztəminatlı ailələr malikdirlər.

Misal üçün, 5 nəfərdən ibarət olan ailənin gəliri 2025-ci ildə 1425 manat, 2026-cı ildə isə 1500 manatdır. Bu müddətdə ailənin aylıq gəliri 1000 manat təşkil edirsə və ünvanlı sosial yardım almaq hüququ olarsa, bu yardımın məbləği 2025-ci ildə 425 manat, 2026-cı ildə isə 500 manat olacaq. Başqa sözlə, ailənin 2026-cı ildə alacağı sosial yardımın məbləği 2025-ci illə müqayisədə aylıq 75 manat artacaq.

Qeyd edək ki, rəsmi statistikaya görə, ölkədə illik inflyasiya sentyabrda 5,7 %-ə çatıb. Mərkəzi Bank ilin sonunda bu göstəricinin 6 %-ə çatacağını proqnozlaşdırır. Qurumun gözləntisinə görə, 2026-cı ildə illik inflyasiya 5,7 % təşkil edəcək.