Görüntülərlə vətəndaşı şantaj etdiyi deyilən Nazim Bəydəmirlinin məhkəməsi

Hədə-qorxu ilə tələb etməkdə təqsirləndirilən sabiq deputat, iş adamı Nazim Bəydəmirlinin cinayət işi üzrə məhkəmə prosesinə start verilib.

Bakı Ağır Cinayətlər Məhkəməsinin hakimi Fərid Namazovun sədrliyi ilə keçirilən hazırlıq iclasında təqsirləndirilən şəxsin anket məlumatları dəqiqləşdirilib.

Posesdə çıxış edən dövlət ittihamçısı Eldar Məmmədov təqsirləndirilən şəxs barəsində həbs qətimkan tədbirinin dəyişdirilməsinə heç bir əsasın olmadığını vurqulayaraq cinayət işinin məhkəmə baxışına verilməsini təklif edib.

Sabiq deputatın vəkili Aqil Layıc vəsatət qaldıraraq məhkəmədən cinayət işinə xitam verilməsi və müvəkkili barəsindəki həbs qətimkan tədbirinin ev dustaqlığı ilə əvəz edilməsini istəyib. Nazim Bəydəmirli isə siyasi məhbus olmadığını və siyasi fəaliyyətinə görə yox, ictimai fəaliyyəti ilə bağlı həbs olunduğunu bildirib. Buna görə də o, vəkilinin vəsatətini dəstəkləyərək məhkəmədən həbs qətimkan tədbirinin alternativ həbslə əvəz edilməsini xahiş edib.

Qısa müşavirədən sonra məhkəmə vəsatətlərin təmin olunmadığını açıqlayıb. Eyni zamanda prosesin məhkəmə baxışına verilməsi ilə bağlı qərar qəbul edilib.

Məhkəmənin ilk baxış iclası mayın 13-nə təyin olunub.