Pleyeri seçin:
Hansı qidalar miqrenə səbəb olur? - Ağrıya qarşı 3 üsul
Xəbərlərimizi Google-da izləyin
Yeniliklərdən dərhal xəbərdar olun
Pendirin tərkibindəki tiramin və qlutamin turşusu miqreni təhrik edə və ağrı tutmalarına səbəb ola bilər.
Bu barədə tanınmış rusiyalı nevroloq Rüstəm Qayfutdinov xəbərdarlıq edib.
Onun sözlərinə görə, ümumiyyətlə tiramin ifraz edən qıcqırma məhsulları miqrenə gətirib çıxarır.
O qeyd edib ki, bərk pendir növləri, ağ şərablar, şampan, qoz-fındıq və şokolad bu patologiyaya meyilli olan insanlarda miqreni təhrik edir.
“Adıçəkilən xəstəliyə ən çox gənc qadınlar meyillidir” deyən Rüstəm Qayfutdinov artriti, hipertoniyası və artıq çəkisi olan insanlara bu məhsulları qida rasionundan çıxarmağı tövsiyə edib. Bununla belə, o vurğulayıb ki, əksər hallarda miqreni qidalar deyil, yuxusuzluq, stres və emosional yüklənmələr də təhrik edir.
Miqren baş ağrısı, ürəkbulanma, qusma, başgicəllənmə, parlaq işığa və uca səslərə, qoxulara dözümsüzlük kimi xarakterik simptomlarla müşayiət olunur. İnsan hər şeydən qıcıqlanır, tək qalmaq, dünyadan təcrid olunmaq və yatmaq istəyir. Həkimin fikrincə, miqrenə yuxu, isti duş və cinsi əlaqə kömək edə bilər.
Kopyalandı
Seçilmişlər
