Heç bir dayanacaqda kart yeri yoxdur | Ramana sakinlərinin bitməyən avtobus dərdi

Sabunçu rayonu, “Şuşa şəhərciyi”nin sakinləri 214 nömrəli avtobus xəttinin fəaliyyətindən şikayətçidirlər.

Vətəndaşlar bildiriblər ki, qəsəbəyə yalnız 1 marşrut xətti işləyir. Bu hal isə günün pik saatlarında sıxlığa səbəb olur.

Hələ bu azmış kimi, digər problem sərnişinlərin “Bakı Kart”ların balansını artıra bilməməsidir. Çünki bunun üçün dayanacaqlarda aparat tapılmır.

“Axşamlar 5-6 dan sonra minə bilmirik, nəfəs almaq olmur, ürəyi keçən olur. Sıxlıqdan nə günə düşür yaşlı adamlar. Ayaqüstə qalır hamı”, – Ramana sakini narazılığını bildirib.