Hətta insult keçirənlər də... | Bu üsulu yoxlayanlar nəticəyə inana bilmir

“JAMA Cardiology” jurnalında dərc edilən yeni tədqiqat nəticələri kaliumla zənginləşdirilmiş duzun təkrarlanan insult və ölüm nisbətlərinin azalması ilə əlaqəli olduğunu göstərir.

Bununla bağlı Çinin kənd yerlərində klinik sınaqlar aparılıb.

Ümumilikdə 600 kənddən 20 995 nəfər seçilib və bu şəxslərin duz istehlakı 75 faiz adi duz, 25 faiz isə kalium xlorid tərkibli duzla əvəzlənib. Alt qrup təhlili zamanı insult keçirmiş 15 249 iştirakçının məlumatları ayrıca analiz edilib.

Tədqiqat nəticələrinə əsasən, kaliumla zənginləşdirilmiş duz qəbul edən qrupda təkrarlanan insult riski 14 faiz azalıb. Xüsusilə hemorragik insult hallarının 30 faiz azaldığı, insultla əlaqəli ölümlərin isə 21 faiz aşağı düşdüyü müşahidə edilib. Həmçinin kalium əlavələrinin hiperkalemiya riskində ciddi artıma səbəb olmadığı da müəyyənləşib.

Bu tapıntılar göstərir ki, natriumun qismən kaliumla əvəzlənməsi insultdan sağ qalan şəxslər üçün təhlükəsiz və effektiv pəhriz müdaxiləsi ola bilər.

Araşdırma müəllifləri xüsusilə yüksək natrium istehlakı olan və tibbi xidmətlərə məhdud çıxışlı bölgələrdə duz əvəzedicilərinin daha geniş yayılmasının faydalı ola biləcəyini vurğulayırlar.