Həzm sisteminizi yaxşı edərkən dişlərinizdən ola bilərsiniz | Diqqətli olun!

Çay göbələyi əsasında hazırlanmış kombuça adlı içki, limonlu su, diyetik qazlı içki və mineral su yüksək turşuluq səbəbindən diş minasına zərər verə bilər.

Stomatoloqlar məlumat veriblər ki, həzm sisteminin fəaliyyətini yaxşılaşdırdığı güman edilən içkilərdən – limonlu su və alma sirkəsindən istifadə edərkən diqqətli olmaq lazımdır.

Bu içkilər diş minasını “yumşaltmaq” üçün kifayət qədər turşdurlar, ona görə də çöp vasitəsilə içmək lazımdır. Həmçinin qazlı mineral su və şirin qazlı içki də təhlükə yaradır. Üstəlik, dişlərin sağlamlığına və görünüşünə tərkibində həm şəkər, həm də süni dadlandırıcılar olan içkilər də zərər verir.

Bağırsaq mikrobiomunun yaxşılaşdırılması üçün faydalı içki kimi səciyyələndirilən kombuça da çox turşulu ola bilər. Diş həkimləri məsləhət görürlər ki, kombuçanı mağazada alarkən qablaşdırmada göstərilən pH səviyyəsinə diqqət yetirilsin, bununla yanaşı, içkinin şəkər miqdarı çox olan variantları tövsiyə olunur.