Kabab süfrəsini necə sağlamlaşdıraq? - Rusiyalı həkimdən faydalı məsləhət

Ağır yemək hissini yüngülləşdirmək və bağırsaq funksiyasını yaxşılaşdırmaq üçün tərəvəzləri, probiotikləri və bir sıra digər məhsulları ətlə birləşdirmək daha yaxşıdır.

Rusiyalı həkim hepatoloq Sergey Vyalov bu cür düşünür. O, ilk növbədə uyğunsuz qidaları açıqlayıb.

Mütəxəssisin fikrincə, mayonez, ağ çörək, kartof qızartması ağırlığa səbəb olur və bağırsaqların işini poza bilər. Həmçinin ət yedikdən sonra şirniyyat istehlak etməməyi və çay içməməyi tövsiyə edib.

Onun sözlərinə görə, təzə tərəvəzlər, turşu kələm, xiyar, kimçi isə yaxşı qəlyanaltı hesab olunur. Çünki lif yağları həzm etməyə kömək edir və C vitamini dəmirin udulmasını yaxşılaşdırır.

Həkim əlavə edib ki, kabab və qril üçün desertlər əvəzinə, ananas, kivi, sitrus meyvələri götürmək daha yaxşıdır. Onların tərkibində olan fermentlər zülalları parçalayır və ağırlığı azaldır.

Sergey Vyalov onu da vurğulayıb ki, ayran, qatıq piyi neytrallaşdırır, mədə yanmasını, mikrofloranı dəstəkləyir. Nanə, limon, zəncəfil və yaşıl çay öd ifrazını yaxşılaşdırmağa və qızartmanın zərərini azaltmağa kömək edir.