İki məzarı olan şəhid

Azərbaycan tarixinin qəhrəmanlıq salnaməsi olan 20 Yanvar hadisəsindən 33 il keçir. O dəhşətli, qandonduran gecədə qorxmadan, çəkinmədən, cəsarətlə ürəyində vətən sevgisi daşıyan oğullarımız əliyalın düşmən tanklarının qarşısına çıxdı. Həmin gecədə Şamaxı da iki igidi Vətənə şəhid verdi − Vidadi Məmmədov və Ağanəzər İsrayılov.

Ağanəzər hələ uşaq yaşlarından vətən sevgisi və qoçaqlığı ilə seçilirdi. Elə ona görə də arzusu polis olmaq idi. Ağanəzər 1990-cı ilin yanvarın 19-dan 20-ə keçən gecə düşmənə meydan oxuyan minlərlə igid övladarımız kimi Vətənin müdafiəsinə qalxmışdı.

Şəhid olan həmvətənlərimiz Dağüstü Parkda, indiki Şəhidər xiyabanında dəfn olunmalı idi. Amma şəhidin anasının xahişi ilə övladının nəşi Şamaxıya gətirilir.

Ağanazərin dəfni üçün Şəhidlər xiyabanında ayrılmış qəbri isə boş qalmamalı idi. Elə buna görə də ona məxsus olan xüsusi əşyalar, şəhid olarkən əynindəki polis geyimi həmin yerdə basdırılır.

Toyuna hazırlaşan ailə övladının şəhidlik xəbərini alır. Ondan geriyə bir yadigarı qalmasa da, yaşadığı küçə onun adını daşıyır.