İsmayıllıda selin apardığı avtomobil yararsız vəziyyətə düşdü

Ötən gün İsmayıllıda selə düşən avtomobillə bağlı yeni görüntülər ortaya çıxıb.

Bu barədə görüntülər sosial şəbəkədə yayılıb. Videoda avtomobilin yarasız vəziyyətə düşməsi öz əksini tapıb.

Qeyd edək ki, İsmayıllıya qonaq gələn Türkmənistan vətəndaşlarının maşınını sel aparıb. Belə ki, rayonun Yuxarı Zərnava kəndinə qonaq gələn Türkmənistan vətəndaşları olan ər və arvad kəndi tərk etmək üçün çaydan keçməyə cəhd göstəriblər. Yağan yağışlar səbəbindən Girdiman çayında suyun artması nəticəsində avtomobil çayın ortasında qalıb. Köməksiz vəziyyətdə qalan qonaqlar kənd sakinlərinin köməyi ilə avtomobildən çıxarılıblar.