Nazirliklə klinika arasında anlaşılmazlıq: Əməliyyata icazə var?
Bir müddət əvvəl kimliyinin açıqlanmasını istəməyən məşhur şəxsin gəlininin “Laser Beauty” klinikasında estetik əməliyyat olunduqdan sonra komaya düşməsi barədə məlumatlar yayılmışdı.
Baku TV-nin əməkdaşı iddiaları araşdırmaq üçün sözügedən klinikaya yolansa da, suallarına cavab verən olmayıb.
Daha sonra özünü klinikanın rəhbəri kimi təqdim edən şəxs zəng edərək deyilənləri təkzib edib: “Həmin şəxs kimdir? Ad-soyadını deyin, zəng etsin, birlikdə görüşək. Bunların hamısı boş söhbətdir”.
Sözügedən şəxs belə bir əməliyyatın icra olunmadığını desə də, xəstənin sonradan yerləşdirildiyi Gömrük Hospitalının Elmi-Təcrübi və Tədris Mərkəzinin rəisi, millət vəkili Rəşad Mahmudov isə faktı təsdiqləyib.
Səhiyyə Nazirliyindən verilən məlumata görə, sözügedən klinikaya ambulator tibbi xidmət üçün lisenziya verilsə də, stasionar tibbi xidmətin həyata keçirilməsinə icazə yoxdur.
Klinikanın təqdim etdiyi lisenziya əlavəsinin siyahısında isə göstərilir ki, burada ümumi cərrahiyyə prosesinin həyata keçirilməsi mümkündür.
#Plastik əməliyyat teqi istifadə olunub
- Hamısının burnu və dodaqları eynidir… | Bakı sakini plastik əməliyyat etdirənləri tənqid etdi
- Plastik əməliyyatlar xəstəlik yaradır? - İnsan 1 dəfə bunu etdirəndə...
- Estetik-plastik əməliyyatlar həvəsdir, yoxsa dəb? - BAKU AKTUAL
- Plastik əməliyyatdan sonra ölüm hallarının səbəbi | Cərrah nələri açıqladı?
- Bu şəxslərin praktik tibbi fəaliyyəti ləğv ediləcək | Şübhəli məqamlar müəyyən olundu
