Plastik əməliyyat azərbaycanlı blogeri ölümə aparır

Azərbaycanlı model və bloger etdirdiyi plastik əməliyyatlardan sonra bədəni çürüməyə başlayıb.

Qaş düzəldərkən göz çıxaran Leyla Mirzəliyeva süni gelləri bədənindən çıxarmaq üçün 1 ay ərzində 9 dəfə əməliyyat etdirib. Bu barədə model şəxsi “Instagram” səhifəsində paylaşıb. Həmçinin qeyd edib ki, yenidən əməliyyata ehtiyac olsa da, bu əməliyyat canı bahasına başa gələ bilər.

Bu xəbərin sosial şəbəkələrdə yayılması nə vaxtsa plastik əməliyyat etdirənlərin və ya arzusunda olanların canına vəlvələ salıb.

Bu məqamda hər kəsi bir sual düşündürür. Bədənindəki hər hansı nahiyəni bəyənməyib, kompleksə düşənlər, başqa sözlə, qarışqanı filə döndərənlər sonradan hansı risklə üzləşə bilərlər?