Pleyeri seçin:
Qətlə yetirilən Əhmədovlar ailəsindən sonra narkoloji mərkəzə müraciətlər artıb
25 yaşlı gəncin ailəsini öldürməsi xəbəri bir neçə gündür ki, ölkə gündəmindən düşmür.
Hətta həmin şəxsin taksi fəaliyyəti ilə məşğul olması xəbəri yayıldıqdan sonra taksi şirkətləri öz sürücülərindən Narkoloji Mərkəzdən arayış gətirmələrini tələb edir. Bu səbəbdən dispanserdə növbələrin yarandığı bildirilib.
Bəzi taksi şirkətləri bu məlumatı təkzib etsə də, Narkoloji Mərkəzin şöbə müdiri Lüdmila Cəfərova məsələni təsdiqləyib:
“Son iki gündə taksi sürücülərinin müraciəti çoxalıb. Dünən lap çox idi, tərpənməyə yer yox idi. Gəlirlər və hamısını yoxlayırıq”.
Yerüstü Nəqliyyat Agentliyindən verilən məlumata görə isə taksi şirkətlərinin qarşısına bu öhdəliklər 2023-cü ilin oktyabrından qoyulub.
Qeyd edək ki, taksi fəaliyyəti ilə bağlı yeni qaydalar Nazirlər Kabinetinin təsdiqindən sonra qüvvəyə minəcək.
Kopyalandı
Seçilmişlər
