"Elə edək ki, bizi Allaha şikayət etməsinlər" | Niyə dini namaz və duadan ibarət sayırlar? - AMİN

“Amin” verilişində bu dəfə Əməkdar müəllim Ofelya Babayeva və ilahiyyatçı Faiq Əhmədzadə ilə uşaq tərbiyəsi mövzusu müzakirə olunub.

Faiq Əhmədzadənin sözlərinə görə, uşağın tərbiyəsi ana bətnindən başlayır:

“Ana hamiləlik dövründə sakit həyat yaşayırsa, musiqi dinləyirsə və ya “Quran” əzbərləyirsə, bunlar uşağa təsir edir. Əksinə, ana aqressiya və stres yaşayırsa, bu da mənfi iz buraxır. 7-10 yaş arası uşaqlarda şüuraltının formalaşma dövrüdür. Bu yaşlarda yaşanan duyğular 30-40 yaşda özünü büruzə verir”.

Ofelya Babayeva isə uşağın doğulduğu andan şəxsiyyət kimi dəyərləndirilməsinin vacibliyini vurğulayıb:

“Onlara sevgi gərəkdir, incitmək olmaz. Bir dəfə rus jurnalında 5-6 yaşlı, valideynlərini itirmiş əfqan uşağın fotosunu gördüm. Yanında silahlı əsgər dayanmışdı. Uşaq ağlayaraq “mən sizi Allaha şikayət edəcəyəm” deyirdi. Yəni elə yaşamalıyıq ki, uşaqlar bizi Allaha şikayət etməsinlər”.