Pleyeri seçin:
Salyan sakinlərinin yol probleminə bələdiyyə nə cavab verdi? - Baku TV
Salyan şəhərinin “Stansiya” adlanan yaşayış massivində yaşayan sakinlər illərdir yolsuzluq problemindən əziyyət çəkirlər. Söhbət şəhərin 20 Yanvar küçəsindən gedir.
Məsələ ilə bağlı Baku TV-nin qaynar xəttinə müraciət edən sakinlərin sözlərinə görə, təxminən üç il əvvəl ərazidə su-kanalizasiya xətti çəkilsə də, həmin vaxtdan sonra küçənin asfalt örtüyü bərpa olunmayıb.
Sakinlər bildirirlər ki, problemin həlli ilə bağlı dəfələrlə aidiyyəti qurumlara müraciət ediblər. Lakin indiyədək müraciətlərinə konkret cavab verilməyib.
“Belə yol olar?! Buna baxın, görün nə gündəyik”, – deyə sakinlərdən biri narazılığını bildirib.
Başqa bir sakin isə qeyd edib:
“Bir maşın gələndə digəri bir saat gözləyir ki, ona yol versin. Palçığın içində itib-batmışıq. Baxan da yoxdur, deyirlər ki, dərdini kimə istəyirsən de”.
Məsələ ilə bağlı Salyan şəhər bələdiyyəsindən bildirilib ki, yaxın günlərdə sözügedən küçədə təmir işlərinə başlanacaq.
Kopyalandı
#Salyan teqi istifadə olunub
- Qohum evliliyindən doğulan, anadangəlmə xəstə qız vəfat edib | "Qisməti belə imiş" - Baku TV
- Salyanda baş verən qəzada 9 nəfər xəsarət aldı
- Salyanda faciəvi qəza | “Moskvaya yola salmağa gedirmişlər...” - Baku TV
- Salyanda 67 yaşlı "Moskviç" insanların marağına səbəb oldu - Baku TV
- "Maşın da qalmır, dağılır..." - Mərkəzi küçələrdə sakinlərin başını bəlaya salan vəziyyət - Baku TV
Seçilmişlər
