Cəmiyyət
Pleyeri seçin:
Taksi qiymətləri kəlləçarxa qalxdı
Dünəndən ölkə ərazisində hökm sürən qeyri-sabit hava şəraiti taksi qiymətlərini kəlləçarxa çıxarıb. Fürsətdən istifadə edən bəzi işbazlar səhər saatlarından gediş haqqını 30-50%, bəzi istiqamətlərdə isə 4-5 qat artırıb.
Normal günlərdə 1,5 km yolu 1,50-1,60 AZN-ə təklif edən şirkətlər indi eyni məsafə üçün 3-4 manat tələb edirlər. Bəzi istiqamətlər üzrə isə qiymətlər ümumiyyətlə fantastikdir. Bir neçə gün öncə 6 manata gedilən məsafə bu gün 19-20 manat təşkil edir.
Fərdi taksi xidməti ilə məşğul olan şəxslər də qiymət fərqinin olduğunu etiraf edirlər. Bunun səbəbini isə havanın şaxtalı olması və nəticədə yolların buz bağlaması səbəbindən bir çox taksi sürücülərinin özlərini riskə atmaqdan çəkinərək xidmətdən imtina etməsi ilə izah edirlər.
Kopyalandı
Seçilmişlər
