Tələbəmiz zəlzələdən qaçdı, zəlzələdə öldü

Türkiyədə zəlzələ nəticəsində həlak olan tələbələrimizdən biri Samir Quliyev barədə daha bir fakt ortaya çıxıb.

BAKU.WS-in məlumatına görə, Samir bundan əvvəl Türkiyənin Elazığ vilayətindəki universitetlərdən birində təhsil alırmış. Ailəsi 2020-ci ildə orada baş verən zəlzələdən sonra gənc oğlanın universitetini Malatya şəhərindəki təhsil ocağına dəyişib.

Qeyd edək ki, fevralın 6-da Türkiyədə baş vermiş zəlzələ nəticəsində Samir Quliyevlə yanaşı, Şahin Vəliyev, Hümam İsmayıllı və Gündüz Nəzərzadə adlı azərbaycanlı tələbələr də dağıntılar altında qalaraq həlak olublar.